انواع الرصاص و الفحم و مستلزماتهم

اول حاجه الرصاص :-
الرصاص بينقسم لمجموعتين الاولي اسمها B و المجموعه التانيه اسمها H
في الحقيقه هما مجموعه واحده بس هنقول عنهم مجموعتين في الاول علشان نفهم بس

المجموعه الاولي B هسميها الغوامق :-
دي بتبدأ من B و بعدين بتزيد 1B و بعدين 2B و كذالك
كل ما تزودي كل ما درجه اللون تغمق معاكي اكتر يعني B فاتح اكتر من 1B
5B..4B..3B..2B..1B..B..
غامق .. اغمق .. فأغمق ........
يعني مجموعه B اخف درجه فيها B و كل ما تزودي رقم كل ما يتقل اللون اكتر

المجموعه التانيه H مجموعه الفواتح :-
المجموعه دي بقي عكس التانيه كل ما زودنا كل ما اللون يخف خالص
و هتحسوا ان الرصاص بيكحت كده في الورقه او بيجرح في الورقه
بتبدأ من F و بعدين بتزيد H و بعدها 2H و بعدين 3H و كذالك
كل ما تزودي ما ما اللون بتاعه يخف خالص

مش انا قلت انها مجموعه واحده ؟ اه هي مجموعه واحده
حتي شوفوا اهوه

[ندعوك للتسجيل في المنتدى أو التعريف بنفسك لمعاينة هذا الرابط]
و زي ما قلت لكم انه ما بعد H بتحسيه خشن شويه و بيجرح في الورقه و ما بعد B بيبقي ناعم

شيفاكي يلي بتقولي امال ايه HB .. هو ده القلم الرصاص العادي بتاعنا اللي كلنا بتستخدمه
و بنعرف درجه القلم من اللي مكتوب عليه بيبقي علي الطرف او في نص القلم كده
و كمان في اطقم اقلام بتبقي فيها الدرجات كلها بس هتبقي غاليه اوي علي كونك مبتدئه
كفايه انه تشتري قلمين او تلاته من مجموعه H و اتنين او تلاته من مجموعه B

[ندعوك للتسجيل في المنتدى أو التعريف بنفسك لمعاينة هذا الرابط]
و علي فكره يا فتوكات بتختلف اقلام الرصاص بتبقي اقلام كده ممغلفه بالخشب زي القلم
العادي بتاعنا و في منها بيبقي علي شكل قلم بس كلها رصاص خالص و كمان السنون بتاعه
القلم السنون بتبقي درجات برضه

الفحم بقي :-
حقيقي انا معلوماتي ضئيله شويه عن الفحم لكن كل اللي اعرفه
هو ان فحم الرسم نوعين فحم نباتي و فحم صناعي
و بيدخلوا في اشكال كتيره بقي زي مثلا اقلام مغلفه بالخشب زي اقلام الرصاص
و ممكن يبقي القلم بطوله كده كله فحم يعني ..

الفحم النباتي :-
و غالبا بيستخدم في انه تعملي البدايات بتاعه الرسمه لانه سهل جدآ يتسمح باليد
و لو غلطتي هتمسحيه بكل سهوله و في ناس بتستخدمه كده من غير حاجه تاني
بيبقي شبه ده كده

[ندعوك للتسجيل في المنتدى أو التعريف بنفسك لمعاينة هذا الرابط]

الفحم الصناعي :-
و علشان الفحم النباتي بيبقي خفيف و سهل يتمسح باليد فا بيستخدم الفحم الصناعي
في انه يأكدوا بيه علي الرسمه و في ناس بتستخدمه علطول كده بس بيكون صعب انه يتمسح
و برضه بيبقي في شكل صوابع كده

اعذروني علي معلوماتي الضئيله في الفحم بقي يا جماعه [ندعوك للتسجيل في المنتدى أو التعريف بنفسك لمعاينة هذا الرابط]

الاساتيك XD :-
طبعا عندنا الاستيكه العاديه بتاعتنا دي
و احسن استيكه جبتها هي الاستيكه السودا دي

[ندعوك للتسجيل في المنتدى أو التعريف بنفسك لمعاينة هذا الرابط]

و استيكه الفحم .. دي بتبقي عامله زي الصلصال بالظبط
و بنستخدمها في الرصاص كمان مش في الفحم بس
بتستخدم في عمل نور او اضاءه لانها بتكون سهله في التشكيل بتاعها
علشان تعرفي تعملي بيها تفاصيل دقييييييييييييقه جدآآآآآ
و كمان بتبقي ملونه و ماركات و حاجه دلعه يا دلعه خالص هههه

[ندعوك للتسجيل في المنتدى أو التعريف بنفسك لمعاينة هذا الرابط]

الورق :-
و في نوعين للورق اللي هو كانسون و فبريانو
و لكي ان تختاري اي نوع بس انا شخصيا بميل لاستخدام الفبريانو [ندعوك للتسجيل في المنتدى أو التعريف بنفسك لمعاينة هذا الرابط]بحسه انعم من الكانسون

اداه البري :-
اللي هشوفها ماسكه برايه هبري صوابعها كلها [ندعوك للتسجيل في المنتدى أو التعريف بنفسك لمعاينة هذا الرابط]
الحاجه الوحيده اللي مسموحلك تبري بيها هي الكتر و لو انتي صغنونه يبقي مامتك تستخدمه
بدلا عنك علشان متعوريش نفسك او تتعلمي تستخدميه بقي
و الكتر ده حاجه مهمه جدآآآآ اهم من الاقلام ذات نفسها [ندعوك للتسجيل في المنتدى أو التعريف بنفسك لمعاينة هذا الرابط]

اقلام التسييح :-
دي اقلام كده بتسيح الرصاص و الفحم و تديهم شكل ناعم كده
في منها نوعين المصري و الصيني اعتقد
المصري طبعا ابن ستين في سبعين خالص وحش جدآ رميت فلوس فيه في الارض بجد
النوع التاني افضل بكتيرررررررررررررررررررررررررررررررررررررر و ده شكله

[ندعوك للتسجيل في المنتدى أو التعريف بنفسك لمعاينة هذا الرابط]

و اخيررررررررررررررررا بقي

المثبت :-
المثبت ده بقي مشكلته مشكله هو طبعا مهم جدآ لانه بيحافظ علي الرصاص و الفحم
و كمان بيتحط علي اللوحه اللي بتبقي بألوان الباستيل علشان يثبته
بيبقي عباره عن بخاخ كده و بترشي منه بعد ما بتخلصي لوحتك خالص
مشكلته انه لو نوع ردئ بيصفر الرسمه بعد كده و النوع الكويس غالي
اللي هتروح تجيب المثبت المصري بـ 12 ج باين هتبقي بترمي فلوسها ف الارض
اما جايبه نوع كويس جدآ جدآ
جيباه ب 80 ج الازازه فيها 400 ML

يعتبر كده انا خلصت كل حاجه في الرصاص والفحم و اللي عارف حاجه تاني تزود مفيش مانع
منقوووول

شكــــــــــراً على مجهودك يا خالد

» الرجال في الحب انواع